Búgin Úkimet otyrysynda Baqytjan Saǵyntaev aımaqtardy sıfrlyq efırlik teleradıo habarlaryn taratýǵa kóshýdi der kezinde qamtamasyz etýdi tapsyrdy, dep habarlaıdy QR Premer-mınıstrliginiń baspasóz qyzmeti.
Baqytjan Saǵyntaevtyń aıtýynsha, sıfrlyq efırlik teleradıo habarlaryn taratýǵa kóshýdiń mańyzy óte zor. Ári iri áleýmettik joba. Sondyqtan, oǵan úılestirilgen túrdegi jumys pen jan-jaqty deńgeıdegi ári turaqty monıtorıng júrgizý qajet. Aqparat jáne baılanys mınıstrligi osyǵan baılanysty óńirlermen birlese otyryp sıfrlyq efırlik teleradıo habarlaryn taratýǵa kóshýdi ýaqytyly ótkizýdi qamtamasyz etýi tıis.
Sıfrlyq efırlik teleradıo habarlaryn taratýǵa kóshý týraly esep bergen aqparat jáne kommýnıkasııalar mınıstri Dáýren Abaev osy jobany engizý arqyly halyqtyń basym bóligi, onyń ishinde aýdandar men qalalardan alys eldi-mekenderdiń turǵyndary joǵary deńgeıdegi dybys jáne beıne, sondaı-aq telearnalardyń sanyn ájeptáýir kóbeıtýge qol jetkizýge bolatynyn atap ótti. Osy standartqa tolyq aýyssaq qazaqstandyqtar oblys ortalyqtary deńgeıinde 30-ǵa jýyq telearnany, aýyl jáne aýdan ortalyqtarynda 15-ke jýyq otandyq telearnany sıfrlyq sapada tamashalaı alady. Iаǵnı otandyq arnalar arqyly halyq ózderine qajetti aqparat pen baǵdarlamalarǵa qol jetkizedi. Otandyq pakette jańalyq, balalarǵa arnalǵan, mádenıet, kıno, sport sııaqty túrli arnalar bolady.
Taǵy bir artyqshylyq: Sıfrlyq habar taratýǵa kóshken jaǵdaıda radıojıilikter de bosaıdy. Osylaısha bosaǵan jıilikterdi biz baılanys salasyndaǵy jańa tehnologııalardy damytýǵa paıdalaný múmkindigin qarastyryp otyrmyz. Ol úshin baılanys operatorlarymen jan-jaqty jumys júrgizemiz. О́tken jyly bizdiń mınıstrlik «Teleradıo habarlaryn taratý» Zańyna ózgerister engizdi. Osylaısha olardyń ınfraqurylymdarynyń daıyndyǵyna saı aımaqtardy kezeń-kezeńimen kóshirýge jol ashty.
Elimiz boıynsha radıotelevızııalyq stansııalardyń jalpy sany 827-ni quraıdy. Búgingi kúni 356-sy daıyn.Jyldyń aıaǵyna deıin taǵy 200-ge jýyǵynaıaqtaý josparlanyp otyr. Qalǵan stansııalardyń qurylysy 2019-2020 jyldardyń ishinde tolyq aıaqtalady.
Bıylǵy jyldyń sońyna deıin sıfrlyq habar taratýǵa kóshýi josparlanǵan aımaqtar boıynsha Mańǵystaý, Jambyl oblysynda jáne Túrkistan oblysy men Shymkent qalasynda tıisti stansııalar salynyp, halyqtyń 99%-i tolyq qamtyldy. Atalǵan aımaqtarda halyqty qajetti qabyldaǵyshpen qamtamasyz etý jáne aqparattyq habarlandyrý boıynsha jumys júrgizilip jatyr. Osylaısha 2021 jyly osy jumysty tolyq aıaqtaý josparlanǵan.
«Qazaqteleradıo» AQ basqarma tóraǵasy Eskendir Tájibekov, óz kezeginde, Qazaqstannyń sıfrlyq tehnologııalarǵa kóship, aqparattyq teńsizdikti tómendetý jónindegi memlekettik baǵdarlamany iske asyrý aıasynda 2010 jyly jerseriktik habar taratý jelisi jańǵyrtylǵanyn aıtyp ótti. Ulttyq jerseriktik telehabar taratý respýblıka aýmaǵyn 100% qamtýdy qamtamasyz etedi, bul jaǵdaı halyqqa otandyq arnalardy jaqsy sapada kez kelgen eldi mekende kórýge múmkindik beredi. OTAU TV brendimen jerseriktik teleradıo habarlaryn taratý abonentteriniń sany 2010 jyly 6300-den 1,36 mln deıin ulǵaıdy. Elimizdiń 4 mln-nan astam turǵyny ulttyq jerseriktik telehabar kóredi. Sonymen qatar, statıstıkalyq derekterge sáıkes, abonentterdiń 74% aýyldy eldi mekenderdiń turǵyndary.
Kelesi qadam DVB-S2 zamanaýı standartyndaǵy sıfrlyq efırlik telehabar taratýdy engizý boldy. 2021 jylǵa qaraı 95% astam halyqty qamtýǵa múmkindik beretin 827 stansııany kezeń-kezeńimen salý jumystary júrgizilip jatyr.
Sondaı-aq, otyrys barysynda jyl sońynda sıfrlyq tele habar taratý jelisi iske qosylatyn óńirlerdiń ákimderi: Jambyl oblysynyń ákimi A. Myrzahmetov, Túrkistan oblysynyń ákimi J. Túımebaev baıandama jasady.